新會員首次購物即享全單 9 折優惠！

doremi3babies - 香港嬰兒用品專門店

Curble 小朋友大人都適用・護脊坐墊評測及購買

Mobile image

護脊坐墊/ 護腰坐墊有冇用？

喺回答呢條問題之前，想問吓大家屋企有冇類似嘅人體工學辦公凳？
Image 1
Image 2
我哋嘅doremi男小編用過好幾張人體工學凳，除左發覺人體工學凳越來越貴或者多功能之外， 就係都唔太令人滿意，坐得耐都係會覺得腰酸骨痛，如果透氣功能差啲嘅凳，甚至乎會坐到出汗，所以換完一張凳又一張。 其實人體工學產品嘅出發點，就係希望可以令到人使出最少嘅勞力，得到最舒服嘅體驗。不過咁樣有一個問題，就係有依賴性嘅產生，令到人會越來越唔識得運用自己嘅肌肉，久而久之肌肉能力就會衰退，或者酸痛。〈註1〉 咁即係點？咁所有人體工學嘅產品都唔好用？ 咁又唔係，所以就係要識得選擇，護脊坐墊或者護腰坐墊就可以喺人體工學同運用自身肌肉嘅協調性攞到個平衡，因為護脊坐墊或者護腰坐墊會有助糾正我哋之前習慣咗嘅不良坐姿， 慢慢一步一步引導我哋去習慣正確嘅姿勢 (呢個對發育緊嘅兒童尤其重要)，減少肌肉酸痛嘅發生。

護脊坐墊/ 護腰坐墊 大人同小朋友都適合？

如果嗰個牌子嘅護脊坐墊/ 護腰坐墊有為唔同年齡層及體型嘅人士，去度身訂做切合唔同需要嘅坐墊，咁就可以精明選擇。 比如韓國嘅 Curble，有為小朋友而推出嘅curble kid系列，有為大人而推出curble grand系列，今年2024年更新推出咗為比較高嘅人士或者係體型比較大嘅人士而推出嘅curble grand plus系列 (doremi男小編表示開心使用中🤭)，切合唔同人士嘅選擇。

護脊坐墊/ 護腰坐墊對小朋友有用嗎？

小朋友因為身體處於發展成長嘅階段，所以建立正確嘅姿勢尤其重要，使用護脊坐墊就可以避免小朋友喺做功課或者溫習時候坐姿唔好，彎住條腰，既影響身高嘅正常發展，又會令到尾龍骨出現向左或者向右彎嘅情況
Mobile image

護脊坐墊/ 護腰坐墊對辦公室人士有用嗎？

辦公室人士，在家工作人士，總之就係要長時間坐喺書枱前面做嘢嘅，都需要注重腰部嘅健康，護脊坐墊就可以發揮作用，第一可以幫助糾正不良嘅坐姿，第二可以有效防止翹腳，而翹腳正正係令到腰痛嘅主要元兇之一。只要每日30分鐘，使用護腰坐墊維持良好嘅姿勢30日，就會令到腰部或者你嘅肌肉形成習慣，久而久之就會令身體適應同明白如何維持一個良好嘅坐姿
Mobile image

護脊坐墊/ 護腰坐墊對媽媽有用嗎？

無論係職業婦女，定係全職媽媽，忙咗成日，直到有空閒嘅時候休息先發覺全身酸痛。造成媽媽腰酸骨痛，主要有三大原因，分別為不良姿勢、重覆動作，以及負重過重。〈註2〉 媽媽腰酸骨痛嘅育兒日常就係，經常彎腰抱小朋友、孭住重重嘅媽媽包，仲有長時間抱住小朋友等佢瞓，所以坐姿對媽媽嚟講都非常緊要！ 唔好以為坐喺度餵奶，講故事俾小朋友聽，就可以用越輕鬆越隨意嘅坐姿，咁樣只會令個身體承受更加大壓力就會造成更加大嘅傷害！
Mobile image

咁樣到底點樣坐先啱？護脊坐墊/ 護腰坐墊有咩重要性？

1. 椅面深度配合大腿長度 正確嘅坐姿，應該係要坐在坐骨上。椅面嘅深度要俾到坐骨、骨盆同大腿足夠嘅支撐，但切記椅面嘅深度要適當，唔好頂到膝頭哥。 2. 腰部有足夠支撐 腰部要有足夠嘅支撐，從左右兩側俾腰部足夠嘅支撐，咁樣先有良好嘅效果效果。 3. 座椅高度約等於或略低於膝頭哥 理想嘅坐法，係髖關節跟膝蓋呈現90度。 4. 符合人體工學設計嘅護脊坐墊/ 護腰坐墊 一方面能夠有效貼合身形，另一方面又唔會令到身體造成過分依賴，提供最正確嘅坐姿，開頭坐可能要適應一下，之後就會感覺到坐墊嘅承托力，條腰就會好舒服。

結論：好好保護條腰真係要花大錢嗎？

我唔可以代大家回答呢個問題，但希望以下兩幅圖可以比到一啲啟發大家😊
Image 1
Image 2
〈註1〉: Benny Lee 坐得久肩頸痛？ 別再挺直腰背了！（你應該這樣坐）Youtube影片 〈註2〉: 台灣《媽媽寶寶》雜誌 2024年5月號
更新日期：2024-5-23